Topaz Premyer Liqasının 25-ci turunda "Sumqayıt”ı 3:0 hesabı ilə məğlub edən "Rəvan" futbolçuları birgünlük istirahətdən sonra bu gün yenidən məşqə çıxıb.
Korner.az-ın klubun saytına istinadən verdiyi məlumata görə, bu gün komanda üzvləri "Kəpəz"lə oyunun hazırlığına start verib.
"Bayıl Arena”da təxminən iki saat davam edən hazırlıqda baş məşqçi Ramil Əliyevin tapşırığı əsasında əvvəlcə fiziki təmrinlər yerinə yetirən oyunçular məşqin böyük hissəsini toplu çalışmalara ayırıb.
Qeyd edək ki, "Rəvan" – "Kəpəz" qarşılaşması aprelin 12-i baş tutacaq.
