Topaz Premyer Liqasının 5-ci turunda “Bakı” doğma meydanda “Sumqayıt”ı q'bul edib.
Korner.az-ın məlumatına görə, rəqibinə 1-2 hesabı ilə məğlub olan paytaxt təmsilçisinin qələbəsizlik seriyası 4 oyuna çatdı.
Klubun çalışdırıcısı İbrahim Uzunca mətbuat konfransında bunları qeyd edib:
“Oyun istədiyimiz kimi gedirdi. Erkən qol bizi irəli atdı. Məşq etməməyimiz oyunun gedişində özünü göstərdi. İki səhvdən sonra qollar buraxdıq və uduzduq. Mən uşaqlardan razıyam, qarşıdakı oyunlarda xal, eyni zamanda qələbə də qazanacağıq. Ən qısa zamanda maddi durumun düzələcəyinə inanıram. Biz mübarizə aparan bir komandayıq, amma problemlər də sözünü deyir. İstənilən halda, “Bakı”nın adını qoruyub-saxlamaq üçün çalışırıq. Çatışmazlıqların üzərində çalışmalıyıq”.
