Azərbaycan superkubokunun Naxçıvanda keçiriləcəyi barədə məlumat vermişdik.
Korner.az bu barədə "Xəzər Lənkəran" klubunun mətbuat xidmətinin rəhbəri Hüseyn Cəbrayıloğlunun fikirlərini öyrənib.
Klub rəsmisi bu barədə fikrilərini belə ifadə edib: "Artıq qərar verilib. Etiraz etməyə nə vaxtımız, nə də durumumuz var. Cəmi bir həftə öncə PFL prezidenti Ramin Musayev mətbuata müsahibəsində suprekubokun yanvarda keçiriləcəyini demişdi. Bizi qayğılandıran yeganə məqam oktyabrın 19-u səfərdə "Simurq"la oyunumuz var. Bir gün sonra 9 saat geriyə Bakıya qayıtmalı, oradan da Naxçıvana getməliyik. Marşurut məsələsinin necə olacağı da aydın deyil. Digər məsələ azarkeşlərimizlə bağlıdır. Onlar Naxçıvana necə gələcək? Belə problemlər mövcuddur. Qərar anidən verilib və sulların çox olacağı aydın məsələdir".
