Hazard etiraf etdi: “Ronaldo və Messi səviyyəsində deyiləm”
23.01.2019 , 11:02
Eden Hazard “Real”a transfer olunacağı ilə bağlı yayılan xəbərlərə münasibət bildirib. Belçikalı futbolçu ötən yay London klubundan ayrılmaq istədiyini etiraf edib:
“İngiltərədə hər şeyi qazanmışam, amma bu komandadan ayrılacağım anlamına gəlməməliidi. İngiltərədən sonra başqa şeylər də kəşf etmək istədiyimi hər zaman söyləmişəm. Amma burda qalmağıma səbəb olan şeylər də var. Dünya çempionatından sonra “Çelsi”dən ayrılmaq istədim. Amma sonda komandada qaldım. İndi karyeramın ən gözəl mövsümlərindən birini keçirirəm.
Karyeramın zirvəsində deyiləm. Hər zaman özümü inkişaf etdirə bilərəm. Fərqli bir şeyə ehtiyacımın olduğunu düşünmürəm. Amma “Real”a transferim niyə də olmasın? Lakin indiyədək bu klubla rəsmi heç bir təmasım olmayıb.
Son dünya çempionatı ilə karyeramda yeni mərhələyə keçdiyimi qəbul edirəm. Bir tərəfdən də Ronaldo və Messi ilə eyni səviyyədə deyiləm. Luka Modriç “Ballon d’Or”u qazana bilər, amma dünyanın ən yaxşısı deyil. Çünki Ronaldo və Messi var”
