Topaz
Premyer Liqasının XIX turunda “Kəpəz” səfərdə “Neftçi” ilə 0:0 hesablı heç-heçə
edib.
Korner.az-ın
məlumatına görə, oyundan sonra Gəncə təmsilçisinin baş məşqçisi Şahin Diniyev
oyunla bağlı fikirlərini bildirib:
“Maraqlı
oyun getdi. Qarşılıqlı hücumlar oldu. Bizim qol vəziyyətlərimiz daha real idi.
Komandamın oyunu məni qane etdi. Hər mövqedə 1 futbolçu ilə çıxış etmək çətindir.
Hər iki komanda yaxşı oynadı. Əsl derbi idi. “Qarabağ”la oyunda da yaxşı
oynamışdıq. Oyunçulara özünəinam hissi lazım idi. Növbəti oyunda daha yaxşı
oynayacağıq. Hələ heç nə bitməyib. Avrokuboklara vəsiqə uğrunda gərgin mübarizə
son tura qədər davam edəcək”.
–
Komandada nə baş vermişdi ki, bu tura qədər xal qazanmırdı?
–
Fasilədən sonra komanda tamam olaraq dəyişmişdi. Komanda daxilində heç nə yox
idi. Çox şeylər deyilirdi. Amma qaydasında idi. Ötən il “Lester” İngiltərə
çempionu idi, hazırda autsayderdirlər. Ötən il başımızdan yuxarı tullanmışdıq.
“Qara zolağ”a düşmüşdük. Məncə, bundan çıxmışıq.
–
Oyunun məntiqli nəticəsi heç-heçə idimi?
– Hər
iki komanda qələbəyə layiq idi.
–
Tadas Simaitis və Serjinyoya cəza vermisiz? Ötən turda da ehtiyatda
qalmışdılar.
– Bu
gün futbolda reallıqlar var. Davud da yaxşı qolkiperdi. “Qarabağ”la oyunda
yaxşı durmuşdu, haqqını yeyə bilməzdim. Bu gün müdafiəyə diqqət yetirməli idik.
Ona görə də Serjinyonu ehtiyatda saxladıq.
(futbol11.az)
