“Komandada ab-hava yüksək səviyyədədi”.
Korner.az-ın məlumatına görə, bu sözləri “Rəvan”ın baş məşqçisi Güvənc Kurtar deyib.
Türk mütəxəssis “Bakı” ilə kubok matçı öncəsi iddialı danışıb: “Bakı” yaxşı komandadı. Ancaq biz növbəti mərhələyə keçməliyik. Bu yarışda uğur qazanmaq istəyirik. Premyer Liqanın son beş turunda biz yalnız “Qarabağ”a məğlub olmuşuq. “Xəzər Lənkəran”ı meydanda on nəfərlə qalıb məğlub etdik. Bütün bunlar gücümüzdən xəbər verir. “Rəvan” kuboku qazanmağı qarşısına məqsəd qoyub”.