“Öz meydanımızda uduzmaq bizi qorxutmur. “Bakı”nı səfərdə məğlub etməyə çalışacağıq”.
Korner.az-a açıqlamasında, bu sözləri “Rəvan”ın baş məşqçisi Güvənc Kurtar deyib.
“Rəvan” bu gün Azərbaycan Kubokunun 1/4 final mərhələsi çərçivəsində “Bakı”nın qonağı olacaq. İlk oyunda 0:1 hesabı ilə yenilən Güvənc Kurtarın komandası mərhələ adlamaq üçün iki top fərqi ilə qalib gəlməlidi. “Bakı”ya isə istənilən hesablı heç-heçə və qələbə, həmçinin bir top fərqi ilə (0:1 istisna olmaqla) məğlubiyyət də sərf edir.
Güvənc Kurtar vəziyyətlərinin çətin olmasına baxmayaraq, ümidini itirmir:
“Mərhələni keçmək istəyirik. İlk oyunda edilən hakim səhvlərini bu dəfə görmək istəmirik. Ötən oyunda hakim bizə oyunu qazanmağa mane oldu. Yaxşı hakimin təyin ediləcəyini gözləyirik. O, bizə oyunu öz gücümüz daxilində qazanmağa imkan verəcək”.