“İnter”lə oyunda Rəhim Həsənovun “Neftçi”nin əleyhinə verdiyi qərarların kökündə kin durur. Rəhim ötən mövsümdən başlayan kinini Superkubokda, ardınca da 3 gün əvvəlki oyunda davam etdirdi”.
Korner.az-ın məlumatına görə, bu sözləri “Neftçi”nin Mətbuat və İctimaiyyətlə Əlaqələr Departamentinin rəisi Gündüz Abbaszadə deyib.
Abbaszadə bildirib ki, Azərbaycan futbolu tarixinin ən böyük uğuru hakimliyin adıyla – Tofiq Bəhramovla bağlıdı: “Rəhimin bu cür idarəçiliyi Bəhramovun ruhunu narahat etməyə bilməz”.
“Neftçi”nin sözçüsü Flavinyonun cəzalandırılmaması üçün AFFA İntizam Komitəsinə müraciət etdiklərini də sözlərinə əlavə edib: “Əgər rəqib oyunçular oyun boyu sənə qarşı kobud oynayır və cəzalandırılmırlarsa, sən də aqressivləşirsən. Flavinyoya qarşı dəfələrlə kobud oynayıb vərəqə almayan futbolçuları var “İnter”in. Hesab edirik ki, İntizam Komitəsi bu halı nəzərə almalıdı”.
