“Xəzər Lənkəran” azarkeşlərinin klubun fəxri prezidenti Mübariz Mənsimova müraciət ünvanladıqları haqda məlumat vermişdik. Ancaq siyahıda adları olanlardan “Green Gate 2” fan-qrupu bəyanatın mətninin onlarla tam razılaşdırılmadığını iddia edir.
Bu barədə Korner.az-a məlumat verən fan-qrupun rəhbəri Əmrəli Hüseynli deyib ki, ötən gün onlara bu bəyanatla bağlı zəng edilib:
“Dünən bir kişi zəng eləmişdi. 15 dəqiqə danışdı. Mənə dediyi bu idi ki, Mübariz Mənsimova müraciət ünvanlayıb kluba daha çox fikir verməsini istəyəcəyik. Dedi, bu bizim azarkeşlərin birliyini göstərir, hamı birdi, sizden cavab gözləyirik. Mən də dedim, belədisə, birlik göstərək. Həm də dedim ki, niyə ad yazırsan, ümumi azarkeşlər adından yaz. Dedi, elə edəcəm”.
Əmrəli Hüseynli bildirib ki, “Green Gate 2” əsas diqqəti həbsdə olan “Eliko Ləzginçik”ə yönəldib: “İndi bizi həbs verilən qardaşımız daha çox maraqlandırır. Komanda lap Birinci diviziona düşsün. Əsas odu, o formanı qiymətini bilənlər geyinsin. Biz həmişəki yerimizdə, tribunamızda olacağıq.”
