“Bu mövsüm fasilə qısa olduğundan hazırlıq prosesi daha sıx keçir. Gündə iki dəfə məşq edirik. Funksional hazırlıq dövründə bu matça bir az yorğun çatmışdıq. Bu üzdən əksər futbolçular yalnız bir hissə oynadı. Yalnız bir neçəsi 90 dəqiqə boyu meydanda oldu. İlk oyun pis alınmadı. Qarşıda daha 3 oyunumuz var. Onlar daha güclü rəqiblərə qarşı olacaq və daha vacib əhəmiyyət kəsb edəcək”.
Korner.az-ın məlumatına görə, bu sözləri Almaniyanın “Velberq” klubu ilə oyundan sonra “Simurq”un baş məşqçisi Georgi Çixradze deyib.
Gürcü mütəxəssis Draqan Çeranı fərqləndirib: “Məqsəd oyun praktikası qazanmaq idi. Draqan Çeran qol vurması və hesaba alınmayan topun müəllifi olması ilə diqqət çəkdi. Həmin epizodda da təmiz qol idi. Bu mənada Draqanı fərqləndirmək olar”.
Çixradze baxışda olan Domenik Çatto ilə bağlı fikir bildirib: “Nigeriyalı dünən bizə qoşulub. Heç komandamızla məşq edə etməyib. Ümumiyyətlə məşqlərə az əvvəl başladığından onu yalnız sonda meydana buraxdıq. Özü də yalnız 15-20 dəqiqə oynaya biləcəyini demişdi. İlk oyuna əsasən heç nə demək olmaz. Qarşıdakı matçlarda və məşqlərdə da onu sınayacağıq”.
“Simurq”un baş məşqçisi baxışa yeni futbolçuların gələcəyini bildirib: “Biz hücum xəttini və orta sahəni gücləndirmək üçün yeni oyunçular sınayacağıq. Hücumun həm mərkəz, həm cinahlarında çıxış edə bilən futbolçular lazımdı. Bundan başqa yarımmüdafiənin mərkəzini də gücləndirməliyik”.
