Futbolçunu vuran hakimə 12 oyunluq cəza
05.04.2023 , 19:10
Meksika çempionatının 13-cü turunun “Klub Amerika” – “Leon” oyununda qonaq komandanın futbolçusu Lukas Romeronu dizi ilə vuran FIFA referisi Fernando Hernandes diskvalifikasiya olunub.
Korner.az xəbər verir ki, Meksika Futbol Federasiyasının İntizam Komissiyası hakimə 12 oyunluq cəza verib.
Fernando Hernandesin texniki zonadan kənarlaşdırdığı komandaların baş məşqçiləri də cəzalandırılıblar. Həm “Klub Amerika”nın baş məşqçisi Fernando Ortis, həm də “Leon”u çalışdıran Nikolas Larkamon 2 oyunluq cəzalandırılıblar.
Həm qırmızı vərəqə alıb, həm də hakimdən zərbə alan Lukas Romero da 2 oyun iştirak etməyəcək.
