“Bizim üçün bütün oyunlar, xallar çox önəmlidir. “Kəpəz” keyfiyyətli oyunçulara malik mobil bir komandadır. Lakin mən futbolçulara demişdim ki, şanslarımız bərabərdir”.
Korner.az-ın PFL-in rəsmi saytına istinadən verdiyi məlumata görə, bu sözləri “Rəvan”ın baş məşqçisi Bəhmən Həsənov Premyer Liqanın 16-cı turunda səfərdə “Kəpəz”lə 0:0 bərabərə qaldıqları oyundan sonra deyib.
B.Həsənov tezliklə bu oyunu unudaraq qarşıdakı matçlara hazırlaşacaqlarını bildirib: “Oyun heç-heçə bitdi və Gəncədə qazanılan 1 xala görə çox şadam. Ağıllı oyun sərgiləyən futbolçulara təşəkkür edirəm. Lazım olan nəticəni qazanıb evə dönürük. Artıq “Kəpəz”lə oyunu unudub, qarşıdakı matçlara hazırlaşacağıq”.
