Artıq 2012 – "Əjdaha ili" yekunlaşır və öz yerini 2013 – "İlan ili"nə verməyə hazırlaşır . Qarşıdan gələn il yaşadığımız yüz illiyin 13-cüsüdür.
Hələ qədim dövrlərdə 13 rəqəminin nəhs olması ilə bağlı mistik fərziyyələr insanların beyninə o qədər həkk olunub ki, bəzi insanlar bu rəqəm altında hər-hansı bir iş görməkdən imtina edirlər.
Korner.az yeni il öncəsi əyləncəli bir sorğu keçirtdi. Bəs görəsən Azərbaycan futbol ictimaiyyəti "qara ilan" ilindən nə gözləyir. Klub rəsmiləri, futbolçular və Azərbaycan futbolunda tanınmış simlara "İlan ili"ndən və Şaxta Babadan nə gözləyirsiz?" deyə sual ünvanladıq. Əyləncəli sorğunun cavabları isə məzəli və gülməli oldu.
Ağasəlim Mircavadov (əməkdar məşqçi): "İlan ilində xalqımıza əmin-amanlıq arzu edirəm. Şaxta babadan isə heç nə gözləmirəm. Biz nə istəyiriksə Allahdan istəyirik. Ona görə də, Şaxta babadan ancaq və ancaq qar gözləyirəm. Qoy Şaxta baba qar gətirsin bizə".
Elxan Məmmədov (AFFA-nın baş katibi): "İlan ilində futbolumuza yeni uğurlar, yeni nailiyyətlər arzu edirəm. İnanıram ki, bu il bizə uğur gətirəcək. Şaxta babaya isə inanmıram. Uşaq vaxtlarında, 10 yaşımda ikən inanardım. Ancaq ondan heç nə gözləmirəm".
Ramin Musayev (PFL-nin prezidenti): "İlan ili mənim üçün düşərli ildi. Arzu edirəm ki, bu il hər kəs üçün uğurlu olsun. Şaxta babanı tanımıram. O, kimdi? (gülür)"
Vaqif Sadıqov (AZAL-ın baş məşqçisi): "Yeni ildən xalqımıza can sağlıqı, əmin-amanlıq arzu edirəm. Yeni il günü həm də həmrəylik günümüzdü. Həmrək olmağı arzu edirəm. Şaxta baba isə… Mənim qızım məndən sruşdu ki, Şaxta baba var? Onun Şaxta babası elə mənəm".
Aqil Məmmədov ("Bakı"nın qapıçısı): "İlan ili"ndə bütün qapıçıları sancmaq istəyirəm və özümə "ilan ili"ndə rəqib tanımıram. Şaxta babadan isə heç nə gözləmirəm. Nə gözləyim ki?"
Yalçın Əliyev ("Xəzər Lənkəran"ın mətbuat xidmətinin rəhbəri): "Yeni ildə yeni-yeni uğurlar, nailiyyətlə arzu edirəm. Şaxta babadan isə yalnız can sağlıqı gözləyirəm. Onsuzda hədiyyəniz özümüz ala bilərik".
Cahangir Həsənzadə (AZAL-ın qapıçısı): "İlan ili"indən yalnız yeni uğurlar gözləyirəm. Şaxta baba isə bizə 3, 4 xal versin yetər"
Yaşar Seyidov ("Bakı"nın icraçı direktoru): "Ümid edirəm ki, "ilan ili"ndə 2Bakı" Azərbaycan kubokunu qazanacaq. Şaxta babadan isə yanız xalqımıza əmin-amanlıq arzu edirəm".
Orxan Sadıqlı ("Xəzər Lənkəran"ın qapıçısı): "Yeni ildən yaxşı nəticələr gözləyirəm. Şaxta baba isə bizim rayona qar gətirsin".
Səxavət QURBANOV
