Xəbər verdiyimiz kimi, dünən Azərbaycan Premyer Liqasında turun mərkəzi oyunu “Neftçi” və “İnter” arasında keçirilib.
Korner.az-ın məlumatına görə, paytaxt derbisi qollu bərabərliklə yekunlaşıb – 1:1.
Üzvü sonradan Nizami rayon polis bölməsinə aparıldığı üçün buna etiraz olaraq stadionu tərk edən “Forza “Neftçi” fan klubu oyuna maraqlı bannerlə gəlib.
Belə ki, bu fan klub “Neftçi”nin pis nəticələrinə görə, komandanı dəstəkləməyə gəlməyən azarkeşlərə söz yollayıb. Həmin bannerdə bu sözlər yazılıb: “Yelləncəkdən düşdü deyə, parkdan heç küsərmi uşaq? Zirvədən düşdü deyə, komandasından küsərmi fanat?!”
İndi “Neftçi”dən çox şey asılıdır. Komandaya hələ də azarkeşlik edən belə sadiq fanatlar varsa, klub rəhbərliyi nəyin bahasına olursa olsun, belə gəncləri sevindirməyə məhkumdur.
Qaynar.info
