Premyer Liqanın XVIII turu çərçivəsində dekabrın 20-də “Qarabağ” klubu ilə qarşılaşacaq “Xəzər Lənkəran” matçın hazırlıqlarına başlayıb.
Korner.az-ın "12cioyuncu.info" saytına istinadən məlumatına görə, cənublular dekabrın 17-də Bakıda yerləşən “Happy İnn” otelində bir araya gəlib.
Lənkəran təmsilçisi ilk məşq günündə saat 16:00-da Yol Polisi İdarəsinə məxsus stadionda hazırlıq keçib. Müxtəlif fiziki hərəkətlərin yerinə yetirilməsi ilə başlayan hazırlıq prosesi daha sonra toplu çalışmalarla davam etdirilib.
Saat yarım sürən məşqin ardından otelə qayıdan komanda növbəti məşqini bu gün saat 11:00-da eyni məkanda davam etdirib.
