FIFA-nın Etika Komitəsinin mətbuat katibi Andreas Bantel UEFA prezidenti Mişel Platininin daha ciddi cəza alacağını deyib.
Korner.az-ın məlumatına görə, beynəlxalq futbol qurumunun rəsmisi Platininin bir neçə il futboldan uzaqlaşdırılacağını söyləyib.
“Platininin bir neçə illik cəzalandırılacağı dəqiqdir. Bizim haqlı olduğumuzu CAS da təsdiqlədi. Blatterə gəlincə, onun üçün bir neçə illik cəzalandırılmaqla ömürlük futboldan uzaqlaşdırılmaq arasında heç bir fərq yoxdur”, – deyə Bantel Fransanın “L’Equip” nəşrinə müsahibəsində bildirib.
Qeyd edək ki, Platini barəsindəki 90 gün futboldan uzaqlaşdırılmaq qərarından apellyasiya şikayəti versə də, CAS (İdman Arbitraj Məhkəməsi) onun şikayətini təmin etməmişdi.
