Ötən gün Türkiyə Superkuboku çərçivəsində keçirilən "Qalatasaray" – "Fənərbağça" oyununda "sarı bülbüllər"in heyətində debüt edən Miros Krasiç yaman təəccüblənib. Korner.az-ın məlumatına görə, "Fənər"in yeni transferi final oyununda azarkeşlərin stadionda yaratdığı atmosferdən danışıb:
"Belə bir futbol atmosferi görməmişdim. Belə oyunda oynamaq çətindir. Meydana addım atdığımda həyəcanlandım. Bu mənim ilk oyunum idi. Sonucun daha yaxşı olmasını istəyərdim. Ancaq bu oyunu unudub gələn matçlara hazırlaşmalıyıq. Əgər qalib gəlmək istəyiriksə, çoxlu çalışmalıyıq".
