“Fənərbağça”nın danimarkalı müdafiəçisi Siman Kyaer öz ölkəsinin TV2 telekanalına açıqlamasında Türkiyə haqda xoş sözlər söyləyib.
Korner.az-ın məlumatına görə, o bu ölkədə çox xoşbəxt olduğunu və terror təhlükəsinə rəğmən İstanbulu tərk etmək niyyətində olmadığını deyib.
“İndi karyeramın, bəlkə də, zirvəsindəyəm. Azarkeşlərin və rəhbərliyin qarşıya çempionluq hədəfi qoyması müsbət təzyiqdir. Türkiyə mənim üçün yeni bir səhifədir, burada hər gün yeni şey öyrənirəm. İstanbulda özümü çox rahat hiss edirəm. Çox gözəl şəhərdir və ən əsası, iqlimi çox gözəldir. Hər yerdə olduğu kimi, zaman-zaman Türkiyədə də böhranlı günlər yaşanır, amma bu məni məyus etmir. Burada qalmaq istəyirəm”, – deyə Kyaer bildirib.
