"Fənərbaxça" klubunun baş məşqçisi Aykut Kocaman bu gün Avroliqanın 1/16 final mərhələsi çərçivəsində qarşılaşacaqları BATE ilə oyunöncəsi fikirlərini bölüşüb.
Korner.az-ın məlumatına görə, Aykut Kocaman maraqlı fikirləri ilə diqqət çəkib. Təcrübəli mütəxəssis açıqlamasında:
"Avroliqada olan bütün komandaların əsas hədəfləri zirvəyə yüksəlməkdir. Ancaq hədəfləməklə kubok qazanılmır. Çox çətin bir mövsüm keçiririk. Avroliqanı qazanmaq istəyirik və buna potensialımız var. Bu axşamkı oyunda hava şəraitini bəhanə gətirmək istəmirəm. Ancaq matçın keçiriləcəyi stadionda məşq edə bilmədik. Çünki stadionun ot örtüyü heç də ideal vəziyyətdə deyildi. Buna baxmayaraq, bu axşam qələbəyə oynayacağıq və Avroliqanı qazanacağımıza inanıram" – deyib.
