Birinci divizionun ilk turunda "Araz" Naxçıvan "Turan-T" klubunu 2:1 hesabı ilə məğlub edib.
Korner.az-ın məlumatına görə, oyunun qəhrəmanı ikinci hissədə oyuna girib, qələbə qolunun ötürməsini verən Eşqin Quliyev olub.
Quliyev klubun feysbukdakı qrup səhifəsinə açıqlamasında bildirib ki: "İlk oyun olduğundan matçın ağır keçəcəyini bilirdik. Oyuna yaxşı başladıq. İlk hissədə fərqləndik, lakin rəqib də qolumuza qolla cavab verdi. İkinci hissədə daha yaxşı oynadıq. Əvəzetmədən oyuna daxil oldum. Və komandamın qələbəsində pay sahibi oldum. İkinci oyun öz meydanımızda olacaq. Azarkeşlərimizi oyuna dəvət edirəm. Onlara söz verirəm ki, məndən daha yaxşı oyunlar görəcəklər".
