Eratın komandasında yeni baş məşqçi
17.10.2019 , 17:22
Türkiyənin “Fatih Karagümrük” klubunun yeni baş məşqçisi müəyyənləşib.
Korner.az xəbər verir ki, bir müddət əvvəl Cüneyt Dumlupınarla yollarını ayıran TFF 1-ci liqa təmsilçisini bundan sonra Erkan Zəngin çalışdıracaq. Bu barədə klubun rəsmi saytı məlumat yayıb.
Erkan Zəngin “Fatih Karagümrük”ün kapitanı olsa da, bundan sonra komandaya həm də oynayan məşqçi kimi yardımçı olacaq. Amma onunla müqavilənin müddəti açıqlanmayıb.
Qeyd edək ki, sözügedən komandada Azərbaycan yığmasının sabiq üzvü Toğrul Erat da çıxış edir.
