“Ayntraxt”da kimlərin qalacağı böyük ölçüdə dəqiqləşib”.
Korner.az-ın məlumatına görə, bu sözləri Almaniyanın “Ayntraxt” (Frankfurt) klubunun meneceri olan Bruno Hübner səsləndirib.
Frankfurt təmsilçisini növbəti mövsümdə də hazırkı baş məşqçi Tomas Şaafla çalışacağı dəqiqləşib. Təcrübəli mütəxəssis indiki heyətin əksər üzvlərini komandada saxlamaq niyyətindədi.
Bununla bağlı danışan Hübner qapıçı axtarışında olduqlarını da deyib. Söhbət əsnasında o, “Ayntraxt”ın azərbaycanlı futbolçusu Emil Balayev haqda da fikirlərini bölüşüb:
“Təbii ki, yeni transferlər olacaq. Komandanın kapitanı Kevin Trapp və Emil Balayevə güvənirik. Hər ikisinin komandada qalacağını söyləyə bilərəm. Qapıçı axtarışındayıq. “Ayntraxt”dan gedəcək Feliks Vidvaldın yerinə yeni oyunçu gətirəcəyik”.
“Neftçi”nin yetirməsi olan Emil Balayev “Ayntraxt”a bu ilin əvvəlində keçib.
