"Xəzər Lənkəran"ın futbolçusu Elnur Abdullayevin Korner.az saytına müsahibəsi.
– Maltada qalib gələ bilmədiz. Bunu nə ilə əlaqələndirirsən?
– Vallah, burda faciəvi heç nə yoxdu. Biz o oyunda 3:0 da qalib gələ bilərdik, amma bu futboldu, 1 səhvə yol verildi, o da qol oldu. Ancaq cavab oynunda onlara nəfəs almağa imkan vermiyəcəyik. Bir də Maltada stadion faciə idi.
– Həvəskar bir klub təsiri bağışlayan “Slima” üzərində qələbə qazana bilməməyiniz mətbuat və azarkeşlər tərəfindən sərt qarşılandı.
– Sabah udsaq, deyəsəklər, hər şey düzəldi. Həmişə belə olub. Bir oyundan asılı olsaydı, mən razı, bu, biabırçılıq sayılardı. Amma cavab oynumuz var, biz qələbəni azarkelərimizin önündə qazanacağıq, inşallah.
– Cütün taleyini Maltada həll edəcəyinizi demisdin. Həll edilmiş saymaq olar?
– Yenə deyirəm, hava çox istiydi, süni örtükdə oynayırdıq. Stadion çox bərbad idi. İnşallah cavab oynunda həll eləyəcəyik.
– Ancaq razılaş ki, Lənkəranda qalib gəlməklə iş bitmir. “Slima” kimi zəif rəqibi səfərdə məğlub etməyə borclu idiz…
– Mən demirəm ki, borclu deyildik, borclu idik. Amma indi oturub yas saxlamalı deyilik ki. Qarşıda cavab oyunu var.
– Süni örtükdən, istidən gileylənirsən. Ancaq rəqib də həmin havada, həmin meydançada oynayırdı axı.
– Qardaşım rəqib 10 ildi o meydançada oynayır, onlarçün problem yoxdu. Mən bəhanə axtarmıram, qismət deyilmiş.
– Heç-heçəyə görə klub prezidenti və ya baş məşqçidən irad gəldimi?
– Toşak iradını bildirdi və dedi ki, cavab oyununa ciddi hazırlaşmaq lazımdı.
– “Slima”nı keçsəz, “Makkabi” ilə oynayacaqsız. Ancaq İsrail klubuna qarşı oyunla bağlı azarkeşlərdə sanki bədbinlik, inamsızlıq var… “Slima”yla ilk matçdakı oyununuz “Makkabi”yə qarşı da heç nə edə bilməmıyinizə işarə ola bilərmi?
– “Makkabi”ylə oyun “Slima”yla oyun kimi olmayacaq. Hər kəs dərk edir ki, “Makkabi” daha səviyyəli komandadı, səhvlərdən daha yaxşı istifadə edə bilərlər. Ona görə də israillilərlə oyuna hazırlıq başqa cür olacaq.
– “Slima”yla cavab oyununa proqnozun nədi?
– Əlimizdən gələni edəcəyik ki, azarkeşlərimiz qollu oyun görsünlər. 3:0-dı proqnozum.
– Elnur Allahverdiyevin yoxluğu komandaya nə dərəcədə təsir edəcək?
– Elnur oynasaydı, daha yaxşı olardı, kömək daha çox olardı. Amma qismət beləymiş. Hər futbolçu qırmızı vərəqə ala bilər.
Səxavət QURBANOV
