"Hazırlıq yaxşı səviyyədə gedir. Hər şey planlaşdırdığımız kimi davam edir. Çempionata daha yaxşı hazırlaşmaq üçün əlimizdən gələni edirik”.
Korner.az-ın məlumatına görə, bu sözləri "Xəzər Lənkəran"ın baş məşqçisi Elbrus Məmmədov Türkiyənin Antalya şəhərində davam etdirdikləri təlim-məşq toplanışını dəyərləndirərkən deyib.
O, komandasının gənclərdən təşkil olunmasına baxmayaraq, hücum futbolu oynamağa çalışacaqlarını bildirib:
"Milli komandanın baş məşqçisi də gənclərə daha çox üstünlük verir. İnanıram ki, bizim futbolçulardan özünü sübut edənlər milliyə dəvət alacaqlar. Hazırda adlarını çəkmək istəmədiyim dörd futbolçumuz var ki, milli komandada oynaya biləcək səviyyədədirlər. Ancaq öz akademiyamızın futbolçuları ilə mübarizə aparacağıq. İnanıram ki, “Xəzər Lənkaran” Azərbaycan futbolunda özünü sübut edəcək".
