"Bizim üçün Cavid İmamverdiyev haqqında informasiya toplamaq vacib idi. Təəssüf ki, onun oyunu istədiyi kimi alınmadı. Səhvləri də çox oldu. Amma bir gözəl ötürmə ilə də yadda qaldı. Həmin ötürmə demək olar ki, qola bərabər idi”.
Korner.az-ın məlumatına görə, bu sözləri Kiyev “Dinamo”sunun ikinci komandasının baş məşqçisi Andrey Qusin deyib.
Qusin İmamverdiyevin ilk oyunundan razı qalmasa da, onu başa düşdüyünü bildirib:
“Hər halda onu başa düşmək olar."Dinamo" yeni komandadadı. O, bu mühitə alışmalıdı. Hələlik Cavid cəmi bir oyuna çıxıb. O, hələ bizimlə çoxlu məşq edəcək. Yalnız ondan sonra dəqiq bir söz demək olar”.
