İspaniya Superkubokunun final oyunu maraqlı hadisələrə səhnə olub.
Korner.az-ın məlumatına görə, “Atletiko”nun baş məşqçisi Dieqo Simyone oyunun 25-ci dəqiqəsində qırmızı vərəqə alaraq tribunaya göndərilmişdi. Hakimə etirazını sərt şəkildə bildirən Simyoneyə İspaniya Futbol Federasiyasından 8 oyunluq cəza gələ bilər.
İstedadlı baş məşqçinin 4-cü hakimin başına vurması ispan mətbuatını zəbt edib. Bu barədə açıqlama verən Simyone: “Üzr istəyirəm. Bir səhvi edəndən sonra üzr istəmək yaxşı şeydi. Xuanfranın meydana daha tez daxil olmasını hakimdən sərt şəkildə tələb etdim”, – ifadələrini işlətməklə səhvini ört-basdır etməyə çalışıb.
