Deyan Lovren: “Azərbaycan və Macarıstanla oyunlar bizə dərs olmalıdır”
27.03.2019 , 15:57
“Azərbaycan və Macarıstanla oyunlar bizə dərs olmalıdır. Bu, bir daha göstərdi ki, keçmişlə yaşamamalıyıq”.
Bu sözləri AVRO-2020-nin seçmə mərhələsində Azərbaycan millisi ilə birgə E qrupunda yer alan Xorvatiya yığmasının futbolçusu Deyan Lovren ilk iki turun oyunlarını dəyərləndirərkən deyib.
29 yaşlı müdafiəçi son dünya çempionatının finalçısı kimi oynamadıqlarını bildirib: “Hər iki matçda dünya çempionatında sərgilədiyimiz oyunu oynaya bilmədik. Xoşbəxtlikdən vəziyyəti düzəltmək üçün qarşıda kifayət qədər oyunlarımız var”.
Qeyd edək ki, seçmə mərhələnin ilk turunda millimiz üzərində çətin qələbə (2:1) qazanan Xorvatiya yığması 3 gün sonra səfərdə Macarıstana 1:2 hesabı ilə uduzub.
