De Byazinin mətbuat konfranslarının vaxtı məlum oldu
01.06.2022 , 11:05
UEFA Millətlər Liqası turniri çərçivəsində iyunun 3-də Astana Arenada keçiriləcək Qazaxıstan – Azərbaycan oyunu ərəfəsində təşkil olunacaq mətbuat konfransları və mətbuat üçün açıq məşqlərin vaxtı məlum olub.
Korner.az xəbər verir ki, konfranslar matçdan bir gün əvvəl – iyunun 2-də olacaq. Əvvəlcə Azərbaycan millisinin baş məşqçisi Canni De Byazi media nümayəndələri ilə görüşəcək. Tədbir saat 17:30-da olacaq.
Qazaxıstan yığmasının çalışdırıcısı Maqomed Adiyevin konfransı saat 19:00-da olacaq.
2 iyun
Azərbaycan milli komandası
Saat 17:30. Mətbuat konfransı
Saat 18:00. İlk 15 dəqiqəsi mətbuat üçün açıq məşq
Qazaxıstan milli komandası
Saat 19:00. Mətbuat konfransı
Saat 19:30. İlk 15 dəqiqəsi mətbuat üçün açıq məşq
Qeyd: Tədbirlərin başlama saatı yerli vaxtla göstərilib.
