“Qəbələdən 3 xalla qayıtmayılıq”.
Korner.az-ın məlumatına görə, bu sözləri “Xəzər Lənkəran”ın baş məşqçisi Mustafa Dənizli deyib.
“Xəzər Lənkəran” türk mütəxəssisin rəhbərliyi altında 5 oyun keçirib. Bunlardan 3-də qələbə qazanan “ağ-yaşıllar” 2 matçda heç-heçə edib. Lənkəran klubu Premyer Liqanın təqvimi də uğursuz sayıla bilər. Belə ki, komanda ilin ilk üç turunda Premyer Liqanın turnir cədvəlinə başçılıq edən 3 komanda ilk qarşılaşmalıdı. XIX turda “Qarabağ”ı yenən (1:0) lənkəranlılar ardınca “Neftçi”ni sınağa çəkib və heç-heçə edib (2:2). Bu dəfə isə rəqib “Qəbələ”di. Lider “Qarabağ” və ikinci pillədəki “Neftçi” ilə görüşlərdən üzüağ çıxan Dənizlinin yetirmələri üçüncü pillədəki “Qəbələ” ilə oyunda istənilən nəticəni qazana biləcəkmi?
Təqvimin əlverişsiz olmasından şikayətlənən Dənizli yenə uğurlu nəticə istəyir: “Ard-arda üst pillələrdəki komandalarla qarşılaşırıq. Əsas odu ki, bu oyunlardan uğurlu nəticə ilə ayrılaq. İstəyimizə çatsaq, turnir cədvəlində irəliləmək imkanımız olacaq”.