Topaz Premyer Liqasının 14-cü turunda “Simurq” doğma meydanda “Qarabağ”ı qəbul etdi. Gərgin mübarizə şəraitində keçən oyun “Qarabağ”ın 3-2 hesablı qələbəsi ilə yekunlaşdı.
Korner.az PFL-in saytına istinadən xəbər verir ki, “Simurq” klubunun baş məşqçisi George Çixradze oyundan sonra fikirlərini bildirib:
“Çox maraqlı oyun alındı. Oyunda 5 qolun və çoxlu sayda qol epizodlarının şahidi olduq. Biz qalib gəlmək istəyirdik. Hesabı birinci biz açdıq, amma üstünlüyümüzü qoruya bilmədik. Yüksək səviyyəli komandaya qarşı oynayırdıq. Müdafiədə səhvlərimiz də öz sözünü dedi”.
