Millimizin sabiq üzvü Cavid Hüseynovun çıxış etdiyi “Adana Dəmirspor” dünən səhər saatlarından etibarən Antalyada hazırlıqlara başlayıb.
Korner.az-ın məlumatına görə, həmyerlimizin komandası artıq ilk yoxlama matçını keçirib.
Adana təmsilçisi "Konyaspor"la sınaq matçında minimal hesabla qələbə qazanıb – 1:0.
Cavid Hüseynov Konya təmsilçisi ilə oyunda 90 dəqiqə meydanda olub.
Matçda yeganə qolu meydana sonradan daxil olan braziliyalı hücumçu Juninyo vurub.
Qeyd edək ki, “Adana Dəmirspor” Antalyada daha bir neçə yoxlama oyunu keçirəcək. Hüseynovun komandasının yanvarın 12-də “Ankaragücü” ilə də qarşılaşması nəzərdə tutulub.