“Bu, bizim üçün həddindən artıq vacib idi” – Qurban Qurbanov
04.11.2021 , 22:44
“Yaxşı komandaya qalib gəldik”.
Korner.az xəbər verir ki, bu sözləri “Qarabağ”ın baş məşqçisi Qurban Qurbanov Qazaxıstanda “Kayrat”a 2:1 hesabı ilə qalib gəldikləri Konfrans Liqasının qrup oyunundan sonra mətbuat konfransında deyib.
Mütəxəssis bildirib ki, hər iki oyunda meydanda sonadək mübarizə gedib:
“Bu, bizim üçün həddindən artıq vacib idi. Dünən də demişdim ki, bu dəfə daha yaxşı oynamalıyıq.
Hava şəraitinə, meydançanın durumuna, bütün çətinliklərə baxmayaraq, futbolçularım dözdü və qalib gəlmək üçün ən yaxşısını etdilər. Müdafiədə oturmadıq.
Daim rəqibin üzərinə getməyə çalışdıq. Çünki onlara oynamaq imkanı verdikdə topla çox yaxşı davranırlar. Maraqlı oyun üslubları var.
Bəzi epizodları çıxmaq şərtilə, futbolçularım intizamlı oynadılar və böyük zəfər qazandılar. Rəqibə və çox hörmətli Kurban Berdıyevə uğurlar arzulayıram”.
