Bu, bizim gizli silahımız idi – Ayxan Abbasov
01.12.2018 , 21:38
“Sumqayıt”ın baş məşqçisi Ayxan Abbasovun Premyer Liqada “Səbail”i məğlub etdikləri oyundan sonra mətbuat konfransı keçirilib.
Abbasov qələbəni belə şərh edib:
– “Səbail”in bizə çətinlik yaradacağını bilirdik. Müdafiədə kompakt oynayırlar. Bu gün futbolçulardan ən çox tələbim, nə olur olsun, matçı qazanmaq idi. Komandanın özünə inamının gəlməsi üçün bu qələbə vacib idi. Qarşıda çətin oyunlarımız var.
– Bu gün 4 müdafiəçi ilə oynadız. Əvvəl 5 müdafiəçi ilə oynayırdız. Bu dəyişiklik nə ilə bağlıydı?
– Rəqibə görə taktikada dəyişikliklər olacaq. Hücumda çoxluq təşkil edirdik. Hücuma çıxarkən 5 müdafiəçi ilə oynayırdıq. Bu da bizim gizli silahımız idi. Oyunun sonunda Atilla Yıldırım yorulmuşdu, ona görə də yenidən 5 müdafiəçi ilə oynadıq. Gələcəkdə yenə dəyişikliklər olacaq.
