Bu gün Topaz Premyer Liqasında 23-cü turun görüşlərinə start
verilib. “Sumqayıt” evdə çempionluğa iddialı olan “Neftçi” ilə qarşılaşıb.
Korner.az-ın PFL-nın rəsmi saytına istinadən verdiyi məlumata görə, baş məşqçilər
oyundan sonra fikirlərini mətbuatla bölüşüb:
Aqil Məmmədov, “Sumqayıt” klubunun baş məşqçisi: “Maraqlı oyun oldu. Komandaya və azarkeşlərə
təşəkkür edirəm. Özüm də “Neftçi”də oynamışam, komandaya hörmətim var. Bu
oyunda qələbə qazanmaq vacib idi. Çətin olacağını bilirdik, lakin qalib gələ
bildik”.
Böyükağa Hacıyev, “Neftçi” klubunun
baş məşqçisi: “0-2 hesabı ilə məğıub olduq. Günah məndədir, bir sıra səhvlərə
yol verdim. Rəqibin “Simurq”la oyununu analiz etmişdim, “Neftçi”yə qarşı
komandalar başqa cür köklənir. Qarşıda “Qarabağ”la keçiriəcəyimiz çox çətin
oyun var. Müdafiədə buraxdığımız səhvlərdən qapımızda qol gördük. Bu oyunda gənclərə
şans verdik”.