“Neftçi”nin baş məşqçisi Böyükağa Hacıyev Topaz Premyer Liqasında “İnter” qarşı keçiriləcək oyundan danışıb.
Korner.az-ın məlumatına görə, təcrübəli mütəxəssis bu fikirləri səsləndirib:
“Əvvəlki oyunla müqayisədə bu dəfə itkilərimiz azdır. Erik Ramos və Tərlan Quliyevin xidmətindən istifadə edə biləcəyik. “Neftçi”ni gözəl tanıyıram. Bu komanda lazım olan anda toparlanmağı bacarır. “İnter”lə görüşdə toparlanaraq qələbə qazanmalıyıq. Başqa nəticə barədə düşünmürük.
Hazırkı məqamda 3 xal bizə çox vacibdir. Rəqibin son görüşünə baxmamışam, baxmaq fikrim də yoxdur. Həmin oyunda “İnter” haqda fikir yürütmək düzgün deyil. Stolumun üstündə “İnter”in AZAL və “Rəvan”la görüşlərinin videoyazısı var. Bu oyunlara əsasən, rəqibə hazırlaşacağıq. Futbolda məğlubedilməz komanda olmur. Ona görə də meydana yalnız qələbə üçün çıxacağıq”.