Bu dəqiqələrdə davam edən “Böyük oyun”da futbolçular arasında insident yaşanıb.
Korner.az-ın Futbolxeber.az-a istinadən verdiyi məlumata görə, oyunun 43-cü dəqiqəsində iki komanda üzvləri arasında mübahisə düşüb.
Əvvəlcə “Neftçi” tərəfi rəqib futbolçunun əllə oynadığına görə hakimə sərt şəkildə etiraz ediblər. Tyaqo de Xesus və Karlos Kardosa mübahisə ediblər. Daha sonra mübahisəyə digər futbolçular da qoşulub. Lakin hakimlər aranı sakitləşdirməyə müvəffəq olublar. Referi yalnız şifahi xəbərdarlıqla kifayətlənib.
Bir dəqiqə keçməmiş meydanda yenidən ara qarışıb. “Neftçi”nin üzvləri sərt şəkildə referiyə etiraz edərək, “Xəzər Lənkəran”ın üzvü Sadio Tounkaranın Flavinyonu yumruqla vurduğuna etiraz ediblər. Xüsusən də Saşa Stamenkoviç sərt şəkildə etirazını bildirib. Yekunda baş hakim Tounkaranı meydandan qovub.
Qeyd edək ki, ilk yarıdan sonra “Xəzər Lənkəran” 2:1 hesabı ilə öndədir. Baş hakim Elvin Əsgərov Tounkaraya qədər “Neftçi”dən Emin Balayevi də meydandan qovub.
