Almaniya Bundesliqasında mübarizə aparan “Borussiya” (Dortmund) klubu cəzalandırılıb.
Korner.az-ın məlumatına görə, Almaniya Futbol Federasıyası açıqlamasında bildirib:
“İdman Məhkəməsi klubu “Leytspiq”, “Hofenhaym” və “Maynz”a qarşı keçirilən oyunlarda baş verən hadisələrə görə cəzalandırıb. Məhkəmənin verdiyi qərara əsasən, klub 100 min avro pul ödəməlidi. Həmçinin, fevralın 18-də “Borussiya” – “Volfsburq” matçı azarkeşsiz keçiriləcək”.
Xatırladaq ki, “Leytspiq”ə qarşı oyunda azakeşlər arasında münaqişə düşmüşdü. Nəticədə, 10 “Leytspiq” azarkeşi və 4 polis işçisi yaralanmışdı. “Hofenhaym”a qarşı oyunda azarkeşlər nalaqyiq ifadələr işlətmişdi. “Maynz” oyununda isə “Borussiya” azarkeşləri məşəllər yandırmışdı.
