Bəs fanatlarin suçu nə?
"Qəbələ"yə məğlubyyətin şokundan ayılmamış daha bir xəbərə sarsıldım. Karles Martorell Bakes istefaya göndərildi. Bakesə olan sevgimə görə üzülmədim, yox, əsla yox! "Xəzər Lənkəran" fanatlarının növbəti siçan-pişik oyununun tamaşaçısı rolunda gördüyümə görə üzüldüm.
Doğma komandamızın mövcud durumu bütün Talış bölgəsinin əhvalına soğan doğrayıb. "Qəbələ" ilə oyundan sonra yaşlı fanatlarımızın təzyiqi, bəzilərinin də şəkəri maksimum həddə çatıb (onlar arasında doğmalarım olduğuna görə tam məsuliyyətimlə deyirəm).
Hal-hazırda bütün fanatlarımızı bir sual düşündürür: "Xəzər-Lənkəran" bu günə niyə düşdü və ya kim bu hala saldı?
Bunun günahını, bilmirəm, rəhbərlikdə, məşqçidə, AFFA-da və ya PFL-də axtarım. Nə fərqi? Necə deyərlər, olan olub,torba dolub. Torba demişkən, bu söz bizə yad deyil. Rednikə, gah Yunisə, gah da Bakesə torba tikildiyi deyilir. Məşqçilər gəlir-gedir, torbalar tikilir. Amma sadə və çılğın cameəmizə zərbə və zərbələr dəyir.
Bir zamanlar rəqib komandaları üçün əsl cəhənnəmi xatırladan "!Fırtınalar meydanı" indi sanki cənnəti xatirladır onlara. "Azal", "İnter" kimi komandalar qələbə, 3-4 top fərqi ilə qələbə qazandığımız "Turan", "Qəbələ" və "Simurq" indi xallarla geri qayıdır.
Rednikin müəmmalı gedişindən sonra məşqçi seçimləri özünü doğrultmadı. Bədən tərbiyəsi müəllimi Güneyt Biçər, Azərbaycan futbolunda sözünü demiş Yunis Hüseynovdən tutmuş, "Barselona" məktəbi görmüş Karles Martorell Bakesə qədər. İnsafən Yunis işin öhdəsindən heç də pis gəlmədi. Vitse-çempionluqdan tutmuş, avroliqada mərhələ keçib tarix yazana qədər, amma torba onu da yaxaladı.
Qış təlim-məşq toplantışında bütün "Xəzər" fanatları ikinci dövrəyə nikbin baxır, hətta çempionluğa da inanırdı. Bakesin etdiyi transferlər də buna inanmağa əsas verirdi. "İnter"dən ev oyununda alınan məğlubiyyət hər şeyi alt-üst etdi.
"Real Betis"də xarüqələr yaradan Toni Doblasdan tutmuş bir zamanlar "Beşiktaş"ın əsas oyunçularından olan Gökhan Güləçə qədər adaptasiya problemi olduğu göz önündədir. Belə bir vaxtda Bakesin istefası nəyə gərək? Növbəti məşqçi gəlsə nə edəcək? Bir qrup oyunçular gedəcək başqalari gələcək, torba həmən bədbəxti də yaxalayacaq, sonda yenə ürək ağriları olacaq biz fanatlara qalan…
Burdan doğma fanatlarımıza üz tutub bildirirəm ki, bizim şüarımız var: "Biz komandamızı var olduğu üçün sevirik!" Komandamiz çempionluqdan, kubokdan olsa da, hətta birinci liqaya düşsə də, biz komandamıza qayğını azaltmayaq, əksinə, belə bir çətin gündə, maneələrlə rastlaşdığımız vaxtda sevgimizi birəyüz artıraq. Geriyə yolumuz yox! Ancaq irəli baxaq ki, uğurlarımızı da irəlidə axtaraq. Dünyanın sonu deyil!
P.S. Məncə, ən düzgün baş məşqçi seçimi Emin Quliyev olardı. Bacarığı və xarakteri buna imkan verir.
Hacı Zaur
caspianultras.com
