Azərbaycan Beynəlxalq Bankı baş sponsoru olduğu “İnter” klubu ilə müqavilə müddətini artırıb.
Korner.az-ın “Report”a istinadən yaydığı xəbərə görə, bu barədə bankın mətbuat xidmətinin rəhbəri Yadigar Cəfərli məlumat verib.
Bank rəsmisi müqavilə müddətinin dəqiq vaxtını açıqlamasa da, bildirib ki, 2016-cı ildə də sponsorluq davam etdiriləcək: “Azərbaycan Beynəlxalq Bankı “İnter” futbol klubuna əvvəllər də dəstək verib, bu dəstəyi indi də davam etdirir və 2016-cı ildə də davam etdirəcək”.
Qeyd edək ki, Azərbaycan Beynəlxalq Bankı 2004-cü ildən “İnter”ə sponsorluq edir.
