"Komandadan çox razıyam, son iki oyunda vacib qələbələr qazandıq. Bugünkü oyunda bəxtimiz də gətirdi. İlk hissədə yaxşı təsir bağışlamadıq".
Korner.az-ın məlumatına görə, bu sözləri "Sumqayıt"ın baş məşqçisi Bernhard Raab "Kəpəz"lə oyundan sonra keçirilən mətbuat konfransında deyib.
Almaniyalı son dəqiqələrdə gələn qələbəyə belə şərh verib:
"Fasilədə komanda ilə ciddi danışdım və “Kəpəz”in bizdən daha üstün oynadığını dedim. İkinci hissədə komandanın oyununda müsbətə doğru dəyişiklik oldu. Futbolçuların sonadək mübarizə aparıb iki qol vurması xoşuma gəldi”.
