Topaz Premyer Liqasının səviyyəsinin ildən-ilə artmasına digər ölkələr də biganə deyil.
Korner.az-ın məlumatına görə, MDB ölkələrinin çempionatları ilə bağlı silsilə yazılar hazırlayan Belarus mətbuatı da Azərbaycan birinciliyindəki irəliləyişi qabardıb.
Həmkarlarımız Premyer Liqamızın postsovet məkanında 3-cü yerə iddialı olduğunu düşünür: “Azərbaycan və Qazaxıstan klublarının maliyyə durumuna, avrokuboklardakı son uğurlarına əsasən bu ölkələrdə futbolun böyük templə inkişaf etdiyini demək olar. Hələlik Belarus və Gürcüstan UEFA reytinqində onları q qabaqlayır. Lakin keçmiş SSRİ respublikaları arasında Rusiya ilə Ukraynadan sonra 3-cü olmaq uğrunda mübarizənin tezliklə Azərbaycanla Qazaxıstanın arasında gedəcəyi gözlənilir”.
Qeyd edək ki, Azərbaycan çempionatı İFFHS-in siyahısında dünyanın 43-cü,UEFA reytinqində Avropanın 32-cisidi.