“Bayer” – “Qarabağ” oyunu 15 avroya
23.10.2023 , 09:08
UEFA Avropa Liqasının qrup mərhələsinin 3-cü turunda keçiriləcək “Bayer” (Almaniya) – “Qarabağ” matçında Azərbaycan təmsilçisini dəstəkləmək istəyən azarkeşlər üçün ayrılmış bilet sayı məlum olub.
Korner.az xəbər verir ki, görüş üçün “Qarabağ” fanatlarına 1200 ədəd bilet ayrılıb və bir biletin qiyməti 15 avrodur.
Biletlər oyun günü – oktyabrın 26-da yerli vaxtla 18:00-dan etibarən “BayArena” stadionunda SG1 və SG3 sektorlarının qarşısında satılacaq.
“Bayer” – “Qarabağ” matçı saat 23:00-da başlayacaq.
