“Barselona” İspaniya La Liqasının XXIII turunda “Leqanes”lə görüşə 10 əcnəbi futbolçu ilə çıxıb.
Korner.az-ın məlumatına görə, buna qədər Kataloniya klubu tarixində belə hadisə olmayıb.
Dünənki matçda start heyətində yeganə yerli oyunçu Serxi Roberto olub. Bununla “Barsa” tarixində ilk dəfə meydana 10 əcnəbi ilə çıxmış olub. Roberto ilə yanaşı, braziliyalı Rafinya və argentinalı Lionel Messi klubun yetirməsidi.
Qeyd edək ki, Lionel Messinin dublu sayəsində “Leqanes” üzərində 2:1 hesablı qələbə qazanan “Barselona” ikinci pillədəki mövqeyini qoruyub.
