İspaniyanın “Barselona” klubunun ulduz futbolçusu Lionel Messi dünən Çempionlar Liqasının qrup mərhələsinin son turunda "Benfika" ilə qarşılaşmada zədələnib.
Korner.az-ın məlumatına görə, argentinalı futbolçu matçın 84-cü dəqiqəsində rəqib qapıçı Atur Moraeşlə mübarizədə yerdə qalıb. İlkin tibbi müayinə nəticəsində Messinin sol dizində əzik aşkarlanıb.
Qeyd edək ki, "Barselona" – "Benfika" matçı qolsuz başa çatıb – 0:0.