"Mən topu götürüb qapıya tərəf qaçan zaman qapıçı mənim üzərimə gəldi və məni yıxdı”.
Korner.az-ın məlumatına görə, bu sözləri Bakının “İnter” klubunun futbolçusu Samir Zərgərov deyib.
"Bankirlər"in futbolçusu Topaz Premyer Liqasının XVIII turunun “Bakı” ilə oyununda (1:0) rəqib qapıçı Edin Nureddinoski ilə toqquşmasına aydınlıq gətirib:
“Həmin epizodda mənim dizim onun boyun hissəsinə dəydi. Şükürlər olsun ki, daha ağır zədə almadı. Amma həmin epizodda mən də zədə ala bilərdim. Lakin mən sərt toqquşmadan qaça bildim. "Bakı"nın qapıçısına Allahdan şəfa diləyirəm və tezliklə meydana dönməsini arzulayıram".
Qeyd edək ki, Edin zədə aldığı üçün oyun zamanı əvəzlənərək xəstəxanaya aparılıb.
fcinter-az.com
