<span 14px;"="">"Hər iki oyun çox çətin olacaq"
"Qəbələyə qələbə dalınca gedirik. Bu oyunda yalnız 3 xal qazanmağı hədəfləyirik. Çünki ilk "üçlük"ə girmək üçün qələbə qazanmağımız vacibdi. Çətin olacaq, ancaq qələbə bizi hədəflərimizə yaxınlaşdıra bilər".
Bu sözləri Korner.az-a "Bakı"nın gənc futbolçusu Şəhriyar Əliyev deyib.
"Zolağlılar"ın futbolçusu "Qəbələ"ylə oyundan 3 gün sonra kubokda qarşılaşacaqları "Xəzər Lənkəran"la oyunda daha çox diqqət yetirəcəklərini gizlətməyib:
"Düzdü, bizi kubokda "Xəzər Lənkəran"la çətin oyun gözləyir. Onlarda bizim kimi yalnız kuboku qazanmaqla avrokuboklara gedə bilərlər. Lakin bu o demək deyil ki, biz "Qəbələ"ylə oyunda var gücümüzü meydana qoymayacağıq. Xeyir, "Qəbələ" üzərində qələbə qazanıb ",Xəzər Lənkəran"la vacib oyuna yaxşı əhval-ruhiyyədə çıxmaq istəyirik. Ola bilsin ki, məşqçimiz bir-iki futbolçuya istirahət etsin. Ancaq bu bizim səfərdə qələbə qazanmağımıza maneə olmamalıdı. Biz bu oyunda qələbə qazanmaqla "Xəzər Lənkəran"la oyuna yaxşı motivasiyada çıxmaq istəyirik. Çünki ilk "altılıq"da da avrokubok şansımız var. "Qəbələ"ylə oyunu "Xəzər Lənkəran"la kubok matçına görə qurban verməyəcəyik Hər iki oyun çox çətin olacaq".
