Azərbaycan Premyer Liqasının VI turundan təxirə salınmış "Xəzər Lənkəran" – "Bakı" qarşılaşması sabah Lənkəranda baş tutacaq.
Korner.az-ın klubun rəsmi saytına istinadən verdiyi məlumata görə, bu oyuna hazırlıqlarını davam etdirən "Bakı" artıq cənub şəhərindədir.
Ötən gün səhər saatlarında Lənkərana yola düşən komanda məskunlaşmaqla bərabər oyunöncəsi məşqini də keçirməyə imkan tapıb.
Lənkəran şəhər stadionunda məşqə çıxan komanda bugünkü oyuna ciddi hazırlaşır. Son turda səfərfə "Qəbələ"yə qalib gələn "Bakı" Lənkran səfərindən də 3 xalla dönməyi planlaşdırır.
Komandanın heyətində çatışmazlıqlar da var. Belə ki, zədəli futbolçular Uinston Parks, Rəhman Hacıyev, Giorgi Popxadze, məşq prosesindən kənar qalıblar. Son günlər hərarəti yüksələn gənc futbolçu Namiq Ələsgərov da Lənkərana gedənlər sırasında deyil.
Qeyd edək ki, VI turdan təxirə salınmış "Xəzər Lənkəran" – "Bakı" qarşılaşması bu gün Lənkəranda baş tutacaq. Oyunun start fiti saat 16:00-da səslənəcək.
