"İnter"in Kosta Rikadan futbolçu transfer etməyə hazırlaşdığı barədə xəbər vermişdik. Artıq onun kimliyi müəyyənləşib.
Korner.az-ın məlumatına görə, Bakı klubu Dieqo Madriqalı heyətinə qatmağa hazırlaşır.
Bu barədə Kosta Rika mətbuatı məlumat yayıb. Xəbərdə bildirilir ki, Məlumatda bildirilir ki, "bankirlər"in yeni futbolçusu ötən gün uğurla tibbi müayinədən keçib. 25 yaşlı pleymeyker iki illik müqavilə imzalanacaq.
Kosta Rika yığmasının üzvü vətənində verdiyi açıqlamada xoşbəxt olduğunu bildirib:
"İnter"ə keçdiyim üçün xoşbəxtəm. Ona görə ki, Avropada oynamağa dair yuxumu gerçəkləşdirdim. Azərbaycanı ona görə seçdim ki, burda oynamaqla, Rusiya və Türkiyə kimi daha yaxşı çempionatlara gedə bilərəm. Keçidimdə maliyyə şərtlərinin əla olduğunu gizlətmirəm".
