Bakının "İnter" klubu daha bir futbolçu ilə yollarını ayırıb.
Korner.az-ın məlumatına görə, "bankirlər" toqolu futbolçu Cako Arafatla vidalaşıb.
"İnter"in əsas heyətində cəmi 3 dəfə meydana çıxmaq şansı qazanan forvard baş məşqçi Kaxaber Sxadadzenin rəğbətini qazana bilməyincə əvəzedici heyətə göndərilmişdi. Bundan sonra isə toqolu futbolçu ilə "bankilər" yollarını ayırmaq qərarına gəldi.
Xatırladaq ki, Arafat "İnter"də debüt etdiyi ilk matçdaca qol vurmuşdu.
Qeyd edək ki, 24 yaşlı futbolçunun karyerasının ilk klubu Toqonun “Mirlan” komandası olub (2007-2008, 26 oyun, 4 qol). Daha sonra Arafat Qananın “Aşanti” (2008-2009, 8 oyun, 3 qol), İsrailin “Bney Şaknin” (2009-2010, 27 oyun, 3 qol), “Hapoel Akre” (2010, 16 oyun, 10 qol) klublarında çıxış edib. 2011-ci ildə “Anji”yə keçən futbolçu cəmi bir oyunda meydana çıxıb. Ardınca isə icarə əsasında Türkiyənin “Qaziantepspor” və Qətərin “Al-Arabi” klublarında çıxış edib.