Avropa Liqasının I təsnifat mərhələsinin cavab matçı çərçivəsində öz meydanında "Bakı"ya 2:0 hesabı ilə qalib gələn "Mura"nın baş məşqçisi Feri Çifer oyunla bağlı fikirlərini bölüşüb.
Korner.az-ın məlumatına görə, F.Çifer "Bakı"nı yaxşı analiz etdiklərini və məhz bunun sayəsində də qələbə qazandıqlarını bildirib:
"Bakı" güclü rəqib olduğundan onlara qarşı oynamaq çətin idi. Bütün həftə bu oyuna hazırlaşmışdıq və rəqibi yaxşı analiz etmişdik. "Bakı"nın müsbət və mənfi cəhətlərini yaxşı bilirdik.
Ona görə də qələbə qazanmağı bacardıq. Hücum zamanı hava toplarında rəqibdən üstün idik ki, bunu da vurduğumuz qollar zamanı nümayiş etdirdik. Qələbəyə görə çox sevincliyik. Artıq qarşıdakı CSKA (Sofiya) ilə oyun haqda düşünürük".
